LAOAG CITY – Inpakaammo ni Mayor Rafael Benemerito iti ili ti Pagudpud nga adda ti training ken seminar para kadagiti drug surenderee.
Kuna na a babaen iti daytoy ket tapno adda ti pagsapulan dagiti maseknan ken tapno saan da nga agbalin a tambay.
Segun kenni Benemarito, adda met ti pondo ti ili para kadagiti nasao a programa ken agtultuloy nga agkiddaw da ti tulong iti gobyerno probinsyal kasta met iti biang ti national.
Kabayatanna, agtultuloy ti panagmonitor ti PDEA ken dagiti opisyal ti barangay kadagiti aktibidad dagiti surendees.
Adda met ti kadua dagiti surenderees a kameng ti PNP nga agtalinaed iti kaluklukat a Balay Silangan iti ili ti Pagudpud.
Nainagunaran ti Balay Silangan idi kalman babaen ti panangidaulo ti Philippine Drug Enforcement Agency ken iti LGU Pagudpud nga imanmando ni Mayor Benemerito.
