LAOAG CITY – Inpasingked ni Engr. Rommel Batuac, ti Chief Operation iti National Irrigation Administration nga adda ti umdas a danum dagiti mannalon iti baet ti umas-asidegen a pananawen ti kalgaw.
Segun kenkuana, malaksid kadagiti irigasion a manipud iti karayan ket adda pay ti mabalin a pangalaanda ti danum a naestablisar babaen ti solar pump.
Inlawlawagna nga iti napalabas a tawen ket nakapasar ti pagilian ti El Niño a nakaapektar ti panagpadanum dagiti mannalon kadagiti taltalonda.
Kunana nga awan ti nagbalin a problema dagiti maseknan a mannalon ditoy probinsia babaen ti pannakaipatungpal ti irrigation system ti National Irrigation Administration.
