LAOAG CITY – Inpakaammo ni Dr. Melvin Manuel, mangidadaulo iti City Risk Reduction Management Office ditoy ciudad ti Laoag a nga adda kadagiti kabagianda dagiti naibakwit a residente idiay likod ti Marcos Stadium iti Brgy. 2, Sitio Uno ditoy siudad.
Segun kenkuana, nga adda ti panageses ti danom iti nadakamat a lugar pakairamananen iti Brgy. Lapaz.
Innayonna a naiget a monmonitorenda dagiti barangay a nakapasar iti nakaro a panaglayos kas iti Brgy. Casili, Brgy. Zambaoanga no sadinno sisigana met dagiti opisiales nga agresponde gapu pay laeng iti pannakapasar iti Bagyo Carina.
Innayonna a normal dagiti lebel ti danom kadagiti baybayen a lugar ditoy ciuadad.
Kabayatanna, kinunana a nakasagana dagiti human resources ken equipment, pakairamanan dagiti national agencies tapnu agresponde kadagiti indibidual a maapektaran ti bagyo.
