LAOAG CITY – Naduktalan dagiti health experts ti baro a coronavirus variant idiay Vietnam.
Segun kenni Health Minister Nguyen Thanh Long, ti baro a variant iti Vietnam ket kombinasyon ti variant manipud ti India ken United Kingdom.
Kuna na nga alisto a maiwaras ti baro a variant babaen iti angin.
Inbilang na kas hybrid ti baro a variant gapu ti kombinasyon dagiti dua a mabigbig a variant ti India ken UK.
Inpakaammo pay ti Ministry of Health iti nasao a pagilian nga addaanen iti pito a variant ti coronavirus iti Vietnam sakbay ti pakaammo ni Long.
Addaan iti 6,713 ti kaso ti COVID-19 kalpasan a nakairekord da 143 a baro a kaso, 47 dagiti pimmusay, 2,896 ti nalaingan ken 3,770 dagiti aktibo a kaso. –Aljazeera
