LAOAG CITY – Nagballigi dagiti kameng iti Philippine National Police iti inyuswat da a drug buy-bust operation iti Barangay 4 idiay Bacarra, Ilocos Norte.
Nabigbig daytoy a ni Sherwin Bagain, agtawen 33, naasawaan, maysa a tricycle driver ken residente iti Barangay 21 iti met laeng nasao nga ili.
Naamoan a ni Bagain ket dati a drug surrenderee ken karaman iti Street Level Target (SLT).
Segun ti report, maysa a pulis ti nagpammarang kas poseur buyer ken bayat ti transaksyon ket dita a tiniliw dagiti otoridad ti suspek.
Malaksid iti maysa a sachet nga agbalor ti 500 a pisos nga inlako ni Bagain ket adda pay ti naala kenkuana a maysa a sachet a naglaon met laeng iti maipagarop nga illegal a droga.
