LAOAG CITY – Inpakaammo ni Dr. Jose Orosa iti Mariano Marcos Memorial Hospital and Medical Center iti siudad ti Batac nga addan 90% ti bed capacity para kadagiti covid-19 patients ti naakomodaran.
Kuna na a daytoy ket gapu iti agtultuloy a panagngato ti kaso ti covid-19 ditoy probinsya.
Nu pay kasta, inbatad ni Oroza nga ita nga aldaw ket manamnama a malukatan ti agarup sangapulo a kwarto iti baro nga infectious building ti nasao nga ospital para kadagiti covid-19 patients.
Inbatad na a makaakomodar daytoy iti agingga 29 a beds.
Immuna iti daytoy, inlawlawag ni Oroza a kangrunaan laeng nga akseptaren ti covid-19 ward iti ospital ket dagiti severe ken critical cases tapno maliklikan ti alisto a pannakapuno ti bed capacity.
Inpasingked na nga iti laksid nga ado ti kaso ket kabaelan pay laeng ti ospital ti mangipaay ti serbisyo kadagiti covid-19 patients a napinget nga agkasapulan ti pannakataming.
