LAOAG CITY – Pormal nga agtugaw kas baro a Dist. Engr. ti Dept. of Public Works and Highways (DPWH) iti umuna a Distrito ditoy probinsiya ni Engr. Ma. Venus Torio.
Basar iti naipaima iti Bombo Radyo Laoag a kopya iti Special Order manipud ken ni Sec.Mark Villar, nadesignaran ni Torio kas OIC iti nasao a departamento mangrugin inton Miyerkules Nov. 7.
Sukatan ni Torio ni nakabakasyon a Dist. Engr. a ni Engr. Nestor Pasion.
Naamuan nga apaman nga agsubli ni Pasion ket maitedto met kenkuana ti baro nga assignmnent na.
Ni Torio basar iti panagsukisok ti Bombo Radyo ket aggapu iti 2nd Dist. ti DPWH idiay Pangasinan a no sadinno nga agak-akem daytoy kas OIC Assistant District Engineer.
