LAOAG CITY – Addan ti dua nga indibidual ti pimmusay ken naruay a sabsabali dagiti nasugatan iti agtultuloy a mapaspasamak a wildfire idiay Los Angeles.
Ti uppat nga agtultuloy a wildfire a naawagan ti Palisades ket nadadael nan ti nasurok a 1193 nga ektarya a daga.
Inbatad ni Los Angeles City Council President Marqueece Harris-Dawson a dakkel a karit ti panangsebseb da ti apoy gapu ta saan da mabalin ti agusar ti eroplano gapu ta narisgo daytoy iti agdama.
Umabot iti agarop 2 ribo a bombero ti agtitinnulong a mangsebsebseb ti apoy.
Mainaig iti daytoy, ginasut a ribo a residente ti namandar nga agbakwit gapu ta narisgo unayen ti mapaspasamak nga uram.
Gapu iti insidente ket kinanselar payen dagiti otoridad ti serrek kadagiti pagadalan.
