LAOAG CITY – Inpakammo ni Police Lt. Ashkey Cacayorin, ti Deputy Chief of Police iti ili ti San Nicolas a naalan ti pamilya ti baro a nagkamang nagkamang kadakuada.
Segun kenni Cacayorin, ti pudno a nagan ti lalaki ket Allen Jayson Gozun a taga San Fernando Pampanga, basar met laeng ti ina ti maseknan a ni Florian Bernal Guzon.
Inbatad ni Cacayorin nga idi rabii ket intaray da iti ospital ni Mr. Gozun gapo iti panagkapsot na gapo awan ti inpapanuneg na a makan ken danom.
Kunana pay a basar iti ina, saan a rumrumuar iti pagtaengan da ti lalaki ken rumrumuar a saan na a kinayat ti pinagbaliw ti kurso na rason a nagtalaw iti pagtaengan da ken binaliwan na ti nagan ken ti lugar na nga isu ti inbaga na iti pulisya.
Maipalagip a ti ummuna a palawag ni Guzon ket Mr. Jay Santiago Navarro ti nagan na ken taga Poblacion, Bangued, Abra.
Inbatad pay ti maseknan iti pulisya a naggapo isuna iti Abra ken naglugan iti bus ngem kurang ti pagplete na isut gapo na a nagdissaag iti ili ti San Nicolas ken nagturong iti PNP-Station ken inbaga na nga ibalod da lattan.
