LAOAG CITY – Addan ti 90% dagiti nakarehistro ti National Identification Card na iti Philippine Identification System ditoy probinsya.
Segun ken ni Miss Marilyn Vergara iti Philippine Identification System ditoy probinsya, agsursursur da iti nagduduma a barangay tapno mapagrehistro da dagiti umili kangrunaan na dagiti senior citizens, agtawen nababbaba ngem lima ken dagiti dumanon iti 15 a tawen.
Inlawlawag na a no dumanon iti 15 ti tawen ti maysa nga indibidual ket agbaliw ti biometric na.
Kabayatanna, inpakaammo ni Vergara nga agtultuloy ti panagsanay dagiti empleado Philippine Identification System para iti panangipaay da ti naan-anay nga adal iti panagparehistro iti National Identification Card.
