LAOAG CITY – Manamnama nga addan ti agbiyahe a provincial bus a sumrek ditoy Ilocos Norte.
Daytoy ti inbatad ni Mr. Perry Martinez, mangidadaulo ti Metro Ilocos Norte Council.
Segun kenni Martinez, Fariñas bus pay laeng ti adda ti nakaschedule nga agbyahe a sumrek a bus ditoy probinsya.
Inbatadna nga addan ti byahe ti nadakamat a bus company iti outbound wenno rumuar ditoy probinsya a mapan iti Metro Manila.
Inlawlawagna a kumpleto metten ti dokumento ti Florida ken Partas ken mabalin dan nga agoperar ngem awan pay ti pakaammo kadakuada no kaano a mangrugi ti byahe dagitoy.
Naamoan nga “online booking” ti maiyuswat a sistema para kadagiti interesado a manggundaway ti biahe.
Naipasigurado a naiget a maipatungpal dagiti amin a protocol ken pagannurutan iti panaglugan kadagiti pampasahero a lugan pakairamanan ditoy ti saan a mabalin a panagala dagiti bus ti pasaheroda kadagiti agpara a pasahero kadagiti kalsada kasta pay ti nasapa a panagisubmitir kadagiti dokumento sakbay ti byahe.