LAOAG CITY – Addan ti klase dagiti amin a pagadalan intono bigat ditoy probinsya.
Daytoy ket basar iti pakaammo manipod iti opisina ni Governor Matthew Marcos-Manotoc.
Maipalagip a kinanselar ni Governor Manotoc ti klase iti amin a level ita nga aldaw gapu ti bagyo Jenny.
Nupay kasta, nakarwaren ti bagyo Jenny ditoy pagilyan isut gapuna nga addan ti klase dagiti estudyante intono bigat.
Kabayatanna, inbatad ti pagasa a ti mapaspasaran a tudo iti agdama ket epekto laengen ti habagat.
