LAOAG CITY – Addan ti lima a pakabuklan dagiti pimmusay gapu iti covid-19 ditoy probinsya.
Daytoy ket kalpasan a naimaldit ti kaudian a death case a ni IN-C812, agtawen ti 38 a lalaki ken residente iti Barangay Bubuos iti ili ti Solsona.
Maipalagip nga immun-unan a nairekord ti uppat a pimmusay gapu iti nasao a sakit manipod iti nagduduma a lugar ditoy probinsya.
Maysa ti nairekord a pimmusay iti siudad ti Batac kasta met iti ili ti Bacarra idinto a dua dagiti pimmusay iti ili ti Sarrat
Kabayatanna, iti kaudian a datos, adda ti 951 a pakabuklan ti kaso ti covid-19 ditoy probinsya ken 779 dagiti nalaingan.
