LAOAG CITY – Addan ti 77 a kaso ti dengue ti nairekord ditoy probinsya manipod Enero agingga iti umuna a lawas ti Hunyo iti daytoy a tawen.
Daytoy ti inpakaammo ni Dr. Rogelio Balbag, provinial health consultant ditoy probinsya.
Segun ken ni Balbag, manipod iti nasao a bilang ket agpapada kangatoan ditoy siudad ti Laoag a nakairekord ti 15 a kaso.
Inbatad na a sumaruno iti siudad ti Batac nga addaan ti 14 a kaso ti dengue, iti ili ti Pasuquin ket 14 idinto nga uppat iti Marcos.
Mainaig iti daytoy, kuna ni Balbag nga agpapada a tallo ti kaso iti ili ti Bacarra, Dumalneg ken iti ili ti Sarrat idinto nga agpada a dua ti kaso iti Bangui, Burgos ken Currimao.
Agpapada met a saggaysa ti nairekord a kaso iti ili ti Badoc, Carasi, Pagudpud, Paoay, Piddig, Pinili, San ken iti ili ti Solsona.
Kabayatanna, inpakaammo ni Balbag a kaaduan kadagiti kaso ket nalainganen manipod iti nasao a sakit.
Kuna ti provincial health officer a nasken ti panagdalus iti aglawlaw tapno maliklikan nga adda ti pagumokan dagiti lamok.
Innayun na a nakasagana met dagiti lokal a gobierno nu bilang adda ti panagngato ti kaso ti dengue kasta met iti provincial health office.
Ginutigot na dagiti ospital ken publiko nga agridam met iti panagurnong iti dara wenno maigetan ti blood donation programs tapno adda ti pondo a mabalin a mausar dagiti pasyente ti dengue nga agkasapulan.
Kabayatanna, inbatad ni Dr. Rogelio Balbag a nagtalinaed nga awan ti kaso ti chikungunya ken leptospirosis ditoy probinsya.
