LAOAG CITY – Mangnamnama ni Mayor Michael Marcos Keon ditoy siudad ti Laoag a saan ton a problema ti siudad ti pakaipanan dagiti agruprupsa a basura kangrunaan dagiti aggapo iti urban Barangays.
Daytoy ket gapu ta addan ti lote a pakaiyestablisaran ti organic composting facility.
Segun ken ni Keon, ti lote ket adda iti Brgy. Camanggaan ditoy siudad ken aglawa ti tallo nga ektarya.
Malaksid iti daytoy, adda pay ti sabali a lote a mausar para iti solid waste management program nu sadino a maipatakder ti Plastic recyclying recovery facility (PRRF), material recovery facility (MRF) ken Compositing facility (CF).
Kuna ni Keon a dagitoy ket maaramid babaen iti 25.5 milyon a pisos pondo manipod iti DENR.
Naamoan a ti laeng probinsya ti nakaala ti nasao a pondo iti rehiyon 1 ken umuna a mangiyimplementar iti nasao a proyekto.
