LAOAG CITY – Awan pay ti nadeterminar dagiti kameng ti PNP ken school authorities a suspek iti pannakaserrek ti Administration Building ti Solsona National High School.
Segun iti imbestigador ti PNP-Solsona, naserrek ti nasao a pagadalan idi kalman ken naduktalan da a nadadael ti akin-abagatan a ridaw ti pasdek ken bobeda ti accounting room.
Nupay kasta, awan met pay ti naideklara a napukaw iti nasao panagserrek.
Naamoan a ti nasao a a pasdek ket isu ti ayan dagiti computers wenno laptop nga us-usaren dagiti mangisursuro iti nadakamat a pagadalan.
Naduktalan pay nga awan ti naimuntar a CCTV ken awan ti security guard iti nasao a pagadalan.
