LAOAG CITY – Nakarekobre dagiti otoridad iti ado empty shells ken balbala dagiti nagduduma ti kalibre na a paltog iti pagtaengan ni Mr. Beda Ranolfo Ruiz, residente iti Barangay Darayday ditoy ciudad ti Laoag iti naiyuswat a search warrant operation.
Naamoan a ni Ruiz ket agpapaay iti City Engineering Office kas public officer foreman.
Karaman kadagiti narekobre dagiti otoridad ket 10 a bala ti cal. 5.5mm, 21 a bala ti cal. 45 a paltog ken 11 nga empty shells ti nasao a paltog, saggaysa nga empty shell ti cal. 22 magnum, ken cal. 22, bala ti cal. 22, 2 nga empty shell cal. 40, maysa a bala ti 9mm, 4 a bala ti cal. 38 ken 6 nga empty shells ti cal.38.
Naipalaon ti search warrant ti maysa nga M16 rifle, maysa a cal. 45 a paltog ken balbala.
Mainaig ti daytoy, iti pannakisarsarita ti Bombo Radyo ken ni Ruiz, inbatad na nga awan ti ammo na no apay nga insayangkatan da ti operasyon.
