LAOAG CITY – Kalpasan ti innem a daras a panagtest iti Bar Exam ket nagun-od ni Atty. Charito Malicad, ti city information officer ditoy siudad ti Laoag ti arapa-ap na nga agbalin a naan-anay nga abogado.
Segun ken ni Atty. Malicad, saan a nagbalin a lapped ti ado a daras a panangipadas na ti eksaminasyon tapno agbalin nga abogado.
Kuna na a ti nasao a propesyun ket isu ti kangrunaan nga arapa-ap na rason nga inaramid na amin tapno magun-od daytoy.
Immunan nga inpakaammo ni Atty. Malicad a sagut na ti panagbalin na nga abogado kadagiti nagannak kenkuana nga agpadan nga adda iti sabali a biag.
Inbatad na a nu pay saanen a naimatangan dagiti nagannak kenkuana ti balligi na ket maragsakan gapu ta naaramid na ti arapa-ap da.
Malaksid iti daytoy, kuna ni Atty. Malicad a ti balligi na ket balligi met dagiti kakabsat, papagayam ken amin a nangsuporta kenkuana.
