LAOAG CITY – Inyuman ni Mr. Christopher Cabuyadao iti Brgy. Mumulaan iti ili ti Paoay ti problema na iti maysa a poultry farm iti nasao a barangay.
Inbatad ni Cabuyadao a dakkel a problema da ti ado a ngilaw a maipagarop nga aggapo iti poultry farm, adda ti maysa a kilometro ti kaadayo na manipod iti pagtaenganna.
Segun kenkuana, arig a maistorbo iti nagduduma nga aktibidad ti ado a ngilaw kas iti panagturog wenno panaginana iti pangaldaw.
Kuna na a kangrunaan nga agruar dagiti ngilaw nu madananon ti pangaldaw.
Immunan nga inpakaammo ni Cabuyadao a kalpasan ti pannakaharvest dagiti dingwen nga adda iti poultry ket isu met ti rugi ti pangruar ti ado a ngilaw.
Gapu iti daytoy, kalikagum ni Cabuyadao a maaksyunan ti nasao a problema.
