LAOAG CITY – Napigpigsa ni US Presidente Donald Trump idiay esatdo ti Virginia, USA.
Daytoy ti inbatad ni Bombo International News Correspondent Khimberlyn Sali Turner, tubo iti ili ti Paoay ngem agnanaeden idiay Virginia.
Segun kenni Turner, daytoy ket gapo iti kaado ti naaramidan ni Trumop ken ti ado a tulong na iti military pakairamanan ti pannakipangato ti sweldo dagitoy.
Inbatad na na uray dagiti natatangen ket ad-adda a pabor da kenni Trump.
Mainaig iti daytoy, kuna ni Turner a bassit laeng ti kaso ti covid iti lugar da rason nga arig na balewala laeng kadakuada ti pannakababalaw ti presidente no pakaseknan iti pandemya.
Kunana pay nga iti baet ti mapaspasaran a pandemya ket normal laeng ti panagbiag da ngem ti laeng nagbaliwan na ket agisuot ti face mask ken obserbaren ti social distancing.
Kabayatanna, innayon pay ni Turner a masansan nga idiay Virgina, no siasinno ti mangabak a presidente ket maisurot na met a mangabak ti kaalyado na a bise presidente ngem saan na laeng a masigurado no kastoy pay laeng ti sitwasyon ita nga eleksyon.
