LAOAG CITY – Nangrugin ti panagado dagiti tattao kadagiti nagduduma a kamposanto ditoy probinsya tapno bisitaen dagiti tanem ti pimmusay nga ay-ayaten da iti biag.
Segun kenni Mr. Timoteo Domingo Jr., Chief Tanod – Barangay 1, Laoag City, nasapada a napan kadagiti uppat a kangrunaan a skamposanto iti barangayda.
Kunana a nasaysayaat no nasapa a mapan dagiti tattao kadagiti kamposanto tapno saan da makidupudop iti kaado a tattao intono malem agingga iti rabii.
Inbatad na a malaksid iti pulisya, naideploy metten dagiti tanod iti barangayda ken dagiti tanod manipud kadagiti dadduma pay a barangay ditoy ciudad.
Inlawlawag na nga iti pay napalabas nga aldaw ket naurnos dan ti deployment, pagparkingan ken dadduma pay para iti naan-nayas a taray ti trapiko.
Innayon na a makastrek iti kamposanto dagiti nakainum iti nasanger.
Kabayatanna, nangrugi met ti liquor ban ditoy probinsia ti Ilocos Norte iti alas 12:00 AM itay bigat ken agpatingga agingga iti 11:59 PM inton bigat.
