LAOAG CITY – Adon dagiti napan nagorder kadagiti sabsabong nga itugot da iti panagbisita da kadagiti kamposanto.
Segun kenni Marie Cid, maysa kadagiti aglaklako ti sabsabong ditoy ciudad ti Laoag, maib-ibus payen dagiti lako da gapo iti kaado dagiti napan naggatang.
Kunana a 200 a pisos agpangato ti presyo dagiti sabsabong depende pay no customized dagitoy.
Inbatad a ti kangrunaan a magatgatang a lako da ket ti chrysanthemum, Malaysian mum a klase ti sabsabong.
Inlawlawag na nga uray ado dagiti suplay da ket maib-ibus met, no sadinno dagiti sabong a lako da ket manipud Baguio City ken Metro Manila.
