LAOAG CITY – Inpakaamo ni PLt. Col. Rafael Lero, ti hepe ti PNP-Laoag nga ado dagiti agala ti police clearance iti intero a probinsya.
Daytoy ket kalpasan a ti laeng PNP-Laoag ti kwalipikado nga agakseptar kadagiti agala ti Police Clearance maibasar iti pammilin ti Camp Crame.
Mainaig iti daytoy, kuna ni Lero a nakasagana ti PNP-Laoag nga agserbi kadagiti aplikante nu man pay masapol ti ad-ado nga oras wenno ag-overtime dagitoy.
Kabayatanna, inpakaaamo ti hepe a naiget a masursurot dagiti health protocols.
Immunan nga inlawlawag ni Lero a malaksid iti panagaplikar iti mismo nga stasyon ti PNP-Laoag, mabalin pay iti online para iti alalisto a transakyun.
Innayun na a tapno naan-anay a makaala ti police clearance ket adda laeng ti bayadan a 180 a pisos idinto a 150 a pisos kadagiti senior citizen ken masapol a mabayadan daytoy iti Landbank.
