LAOAG CITY – Kinumpirmaran ni Sang panlalawigan member Nonong Marcos a tunggal sesyon da ket adda ti aprubaran da a resolution of endorsement para kadagiti mayat a mangala ti permit nga ag-quarry ditoy probinsya.
Daytoy ket kalpasan a naipasa ti baro a quarry ordinance itay kallabes.
Segun kenkuana, iti agdama ket addan 25 a permittees nga inikkan da ti resolution of endorsement ken possible a manayunan pay.
Nupay kasta, inlawlawag ti bokal a ti laeng mangipaay ti resolution of endorsement ti aramiden da ken agpannuray ken ni Governor Imee Marcos no aprubaran na wenno saan.
Mainaig ti daytoy, kuna ni Bokal Marcos saan a malimitaran ti bilang dagiti mai-deputized nga agbantay kadagiti nagduduma nga ili basta responsable.
Kabayatanna, kinumpirmaran ti bokal a basar kadagiti maaw-awar da a reports ket adda latta dagiti makailiblibas nga agisayangkat ti illegal a panagquarry ditoy probinsya.
