LAOAGC CITY – Inpakaamo ni PLt. Col. Rafael Lero, ti hepe ti PNP-Laoag nga ado pay laeng dagiti saan a nakabayad ti citation ticket.
Daytoy ket mainaig iti panagsalungasing ti traffic code ditoy siudad.
Inbatad na nga iti uneg ti umuna a quarter iti daytoy a tawen, adda ti agarup tallo ribo nga indibidual ti naikkan ti citation ticket.
Nu pay kasta, kuna na a ti nasao a bilang ket agarup 1800 pay laeng ti nakabayad.
Gapu iti daytoy, inbunannag na a nu saan a makabayad dagiti maseknan ket posible a maipan iti korte ti nagan dagitoy ken maiparuk-atan ti warrant of arrest.
Immunan nga inpakaamo ti hepe a babaen iti guidelines ti Committee on Transpoortation ditoy siudad ti Laoag ket adda ti pawayway a pito agingga 14 nga aldaw nga agbayad dagiti masita nga aglabsing ti traffic code.
