LAOAG CITY – Adu a Pilipino ti agkalikagum a mangtun-oy ti same sex marriage idiay Estados Unidos kangrunaan idiay estado ti Hawaii.
Daytoy ti inbatad ni Bombo International Correspondent Manny Pascua manipud idiay Hawaii.
Kuna na umad-adu dagiti mangtun-oy iti nasao a paglintegan gapu ta petisyonan dagiti maseknan dagiti ay-ayaten da ditoy Pilipinas.
Segun kenni Pascua, manarimaan ti prosseso ti petisyon ti taga Sinait Ilocos Sur ken taga Marcos Ilocos Norte.
Innayon na a kaaduan dagiti mangpetisyon ket US Citizen ken petisyonan da ti gayyem da babaen ti fiance petition.
