LAOAG CITY – Inannugot ni Gob. Imee Marcos a naragsakan iti napasamak a rigodon iti kamara de representantes.
Segun kenkuana, ammo ti amin a naibalud pay dagiti Ilocos Six nga empleado ti gobierno probinsial itay napalabas a tawen.
Imbatadna a saan a mailibak nga adda ti sakit ti nakemna iti nasao a pasamak.
Nupay kasta, rimmuar nga adu dagiti adda ti saksakiten ti nakemna iti dati a liderato ti kamara de representantes.
Impalgakna a karaman ditoy dagiti naruay a probinsia iti nadumaduma a paset ti probinsia a naawanan ti budget gapu ta saan laeng nga iti maikadua a distrito ti probinsia ti awanan ti nailatang a budget ngem adu pay a sabsabali a probinsia.
Inbunannagna a karaman pay ditoy dagiti nakukurapay a probinsia a dagiti ad-adda nga agrigat ket dagiti umili kadagiti nadakamat a lugar kas iti Ifugao ken ti Dinagat Island nangnangruna ket dagiti naikkat dagiti nailista iti National Expenditure.
Malaksid iti daytoy, impalgak ti gobernador nga adu pay dagiti nagsakit ti nakemna a biktima iti “bullying” wenno pannakapabain iti uneg ti kongreso.
Kunana a daytoy ti makagapo nga itay pay napalabas a tawen a naruayen agkalikagum a masukatan ti liderato ti kongreso.
Gapu iti daytoy, apaman nga adda nangibatad a masapul a masukatanen ti liderato ti kamara de representantes ken immanamongen ni Rep. Gloria Arroyo ket naguummongen dagiti maseknan ken nagtitinnawagen dagiti naruay a pulitiko.