LAOAG CITY – Adon dagiti residente a napan nagdalos iti kamposanto, partikular iti nakaitaneman dagiti ipatpateg da iti biag ditoy ciudad ti Laoag, sumagmamano laengen nga aldaw sakbay ti Undas.
Adda met dagiti nagtandan laengen ti mangdalos iti nakainataneman ti miembro ti pamilya na, aglalo dagiti adda ti trabaho na ken saan da a masango ti mapan agdalos sakbay ti Undas.
Mainaig iti daytoy, inbatad ni Miss Rachelle Guzman, taga Barangay 1 ditoy ciudad ti Laoag ken nabayagen nga agdaldalos kadagiti pantiyon kadagiti kamposanto ditoy ciudad a dakkel a tulong kenkuana ti mapaspastrek na.
Segun kenkuana, umab-abot ti 500 agingga iti sangaribo a pisos ti mapaspastrek na iti panagdaldalos na kadagiti pantiyon iti kada bolan.
Innayon na a kasayaatan no isapsapa ti mapan agdalos kadagiti nakaitaneman dagiti ipatpateg iti biag gapu ta no agpapaudi ket possible a pagibuntonan da ti basura.
