LAOAG CITY – Adu a pammadayaw ti nagun-od ti Brgy. Poblacion iti ili ti Bugros mainaig kadagiti programa a maipatpatungpal iti nasao nga ili.
Segun ken ni Barangay Chairman Joegie Jimenez, naawat da ti pammadayaw iti naisayangkat a search for cleanest and greenest barangay kas 1st runner-up, ken ti pannakaipatungpal ti solid waste management.
Kuna na a naawat da ti cash prize a 100 a ribo a pisos kas fisrt runner-up ken 15 a ribo a pisos
Kabayatanna, inbatad ni Jimenez a naawat da pay ti pammadayaw a best implementor ti waste segregation iti region 1 agraman ti 50 a ribo a pisos.
Inbagana na a nakaawat da pay ti pammadayaw iti national level kas outstanding volunteer iti LGU category babaen iti programa nga inwayat ti National Economic Development Authority.
Kuna ni Jimenez nga inyendorsar ti Provincial Environment and Natural Resources Office ti barangay da iti nasao nga aktibidad ken inpresentar da met ti programa ti barangay a volunteerism wenno panangprotehir ti aglawlaw nga awan ti kasukat na a gunguna.
Mismo nga inawat ni Jimenez ti pammadayaw iti Congressional Office ken adda pay ti inpaay a pammadayaw ti nasao nga opisina, ken iti opisina ni House Speaker Alan Peter Cayetano.
Innayon ti kapitan a malaksid iti barangay da, immawat pay ti lokal a gobyerno ti La Trinidad, Benguet ken siudad ti Mandaluyong itii nasao met la a pammadayaw.
