LAOAG CITY – Madanagan ni dati nga Health Secretary ken agdama nga House Deputy Majority Leader ken Iloilo Representative Janette Garin maipanggep iti panagikkat ti Amerika a mangipaay ti tulong iti World Health Organization (WHO).
Inbatad ni Garin a ti panag-withdraw ti Estados Unidos manipud iti World Health Organization ket mabalin a makaapektar iti kinatibker ti salun-at ti pagilian ken dadduma pay a programa a supsuportaran ti World Health Organization ken ti USAID.
Inpetteng ni Garin a a nakapatpateg daytoy iti Pilipinas gapu ta naruay a programa iti salun-at a mangal-ala ti funding support manipud iti World Health Organization.
Malaksid iti daytoy, madanagan pay ti agpanpanday linteg a posible nga adda ti implikasion ti nasao nga addang.
