LAOAG CITY – Naruay dagiti miembro ti Pantawid Pamilyang Pilipino Program (4Ps) ti naikkat gapu ti panagsugal.
Daytoy ti kinumpirmaran ni Mr. Ronald Punio ti 4Ps Provincial Link officer.
Inadmitir na nga uray adda dagiti naballaagan ket adda met dagiti natiliwan a nagsusugal rason a naikkat da kas miembro iti nasao a programa.
Inlawlawag ni Punio a sakbay a maikkat ti maysa a miembro kalpasan a nagsalungasing iti paglintegan ket maipadalan nga umuna iti counseling iti umuna a pannakatiliw da, iti maikadua ket temporaryo a maisardeng ti tulong; ken iti maikatlo a panagsalungasing ket maikkatda iti listaan.
