LAOAG CITY – Naruay a turista ken dagiti residente a naggapu iti nagduduma a probinsya ti nakipaset iti maikanem a selebrasyon ti Himala sa Buhangin.
Iti nakalap nga impormasyon ti Bombo Radyo Laoag, ti banda nga Aegis ti maysa kadagiti bisita ken nagkanta iti nasao nga okasyon.
Naiget a seguridad ti inpaay met dagiti pannakabagi ti linteg kabayatan ti selebrasyon iti Suba Sand Dunes iti ili a Paoay.
Adda met dagiti nangipaay ti serbisyo na kas iti panaglugan ti Hot Air Balloon ken naiwayat dagiti nagduduma nga aktibidad kas iti Sand Castle Making, 4×4 Adventure, Beach Volleyball, Belly Dancing ken sabsabali pay.
Iti selebrasyon ti Himala sa Buhangin ket maysa kadagiti kadadakkelan nga okasyon ti probinsya nga Ilocos Norte.
