LAOAG CITY – Inpakaammo ni Master Hanz Cua, Feng Shui Expert ditoy Pilipinas nga adu nga “ahasan” wenno pannakikamalala a mapasamak ita a Year of the Wood Snake.
Segun kenkuana, dakkel ti posibilidad nga adu ti agbalin a traydor nangruna iti relasion isu a masapol ti naiget a panagan-annad tapno saan nga agsubli ti karma.
Malaksid iti daytoy, basar iti makitkitana iti 2025 chart ket adu ti mapasamak nga insidente nga adda ti pakainaiganna iti apoy kas ti uram, napigsa a panagtudo ken nakaro a desgrasia.
Kabayatanna, inbatad ni Master Cua a ti Lucky Color of the Year ket gold wenno balitok.
Inlawlawagna a ti panagisuot iti agmaris ti gold ket pangpagasat maipanggep iti kuarta, oportunidad ken panagballigi.
Inbatadna a masapol nga aramiden a naraniag, naragsak ken naringgor iti pagtaengan tapno sumabat ti gasat iti biag.
Kunana a napintas nga ag-display ti uleg a lucky charm iti paset ti abagatan a daya iti salas ti pagtaengan.
Nupay kasta, inpalgakna a saan daytoy a maiyaplikar para kadagiti naipasngay iti Year of the Pig.
Innayonna a nagasat ti mangisagana ti 12 a nagduduma a klase ti prutas kas sanja, melon, saba, mansanas, peras, orange, longgan, peach, mangga, sua, ubas, guyabano, mangostene ken lansones pakairamanan pay ti panangipaay ti ampao kadagiti anak ti bunyag.
