LAOAG CITY – Dakkel a katinnulungan dagiti law enforcement agencies dagiti advocacy group ita a semana santa.
Segun ken ni Ms. Ryan Rollaine Simon, mangidadaulo ti Municipal Disaster Risk Reduction and Management Office, babaen kadagiti nasao a grupo ket nalawlawa ti panangiwanwan dagitoy kadagiti nagduduma a barangay iti nasao nga ili.
Inbatadna a malaksid kadakuada ket kabinnuligda pay dagiti opisial ti barangay.
Inlawlawagna a naruay dagiti naipasdek a Tourist Assistance Center tapno adda ti insigida a pagkamangan dagiti turista no inkaso nga adda ti saan a napintas a mapasamak.
Innayonna a naiget pay ti pannakikoordinarda kadagiti kameng ti Philippine National Police ken Bureau of Fire Protection.
