LAOAG CITY – Inrakurak ni Armed Forces of the Philippines Chief of Staff General Romeo S. Brawner, Jr. dagiti prioridadda para iti tawen 2025.
Karaman kadagiti ipangpangrunada ket ti agtultuloy a modernization ti armed forces; enhancement kadagiti defense capabilities ken panangipasdek ti napigsa a presensia kadagiti istratehiko a lugar ditoy pagilian.
Inaramid ni Brawner ti rakurak iti naisayangkat nga annual joint traditional new year’s call.
Naminsanna manen nga inkari a protektaran ti teritorio ken depensaan ti pagilian.
Inpettengna nga ad-adda pay a papigsaenna ti naval, aerial, ground ken cyber capabilities a gagem a protektaran dagiti resources pakairamanan dagiti teritorio ti pagilian.
Inlawlawagna nga amin nga addang nga ar-aramidenda ket maiyataday iti international law.
Maipalagip a nakissayan tip undo ti Defense Department iti babaen ti 2025 national budget manipud iti P50 billion daytoy ket napagbalin a P35 billion.
Iti baet ti pannakakissay ti pundo, agtultuloy ti Armed Forces of the Philippine ti modernization program para iti tawen 2025 iti babaen ti Horizon 3.
