LAOAG CITY – Immapela ni Major Ericson Bulosan, ti pannakangiwat iti Northern Luzon Command ti Armed Forces of the Philippines (AFP) iti CPP-NPA a tumulong iti sangsangwen a problema ti pagilyan iti agdama.
Daytoy ket ti agtultuloy a panagngato ti coronavirus iti intero a lubong, pakairamanan ditoy Pilipinas.
Inbatad ni Bolusan a tungpalen koma ti rebelde a grupo ti indeklara ni Presidente Rodrigo Duterte ti Unilateral Ceasefire.
Inlawlawag na a makatulong ti CPP-NPA babaen ti saan da a panagtambang ken panangatake kadagiti tropa ti gobierno a mangisaysayangkat ti checkpoint ken mangipatpatungpal ti linak, urnus ken talna iti intero a Luzon kabayatan ti pannakaipatungpal ti Enhanced COmmunity Quarantine gapu iti virus.
Kabayatanna, inpasingked ni Bolusan a tungpalen da ti Unilateral Ceasefire, ngem no adda man dagiti tropa da a manglabsing ket imbestigaren da a dagus ken saan da a patunuynuyan dagitoy.
Innayon na nga agtitinnulong koma amin a Pilipino iti agdama a sangsangwen a problema ti pagilyan gapu ta maibilang a maymaysa ti kalaban, ken daytoy ket ti makapatay a virus.
