LAOAG CITY – Inpetteng ti Armed Forces of the Philippines (AFP) a maiyataday iti linteg ti panangarestar ken ni United People’s Initiatives convenor ken retired Major Gen. Romeo Poquiz.
Iti rakurak ti Armed Forces of the Philippines, inbatadna nga adda ti patinggana ti panangbigbig ken panangprotekta ti Kontitusion iti panagwaywayas iti panangirakurak no sadinno a dagiti tignay a mangal-allukoy iti pannakipaset iti rebelyon, sedisyon wenno dadduma pay nga ilegal nga aktibidad ket addaan ti pannusa iti babaen ti linteg ti pagilian.
Kuna ti Armed Forces of the Philippines a suportado daytoy ti panangilungalong ti nasayaat a panangimaton ken integridad iti gobierno.
Nupay kasta, inlawlawag ti ahensia a nasken a maiwaywayat iti legal a mekanismo ken konstitusional a proseso ti laban kontra iti korapsion.
Maipalagip a naarestar ni Poquiz para iti kaso nga Inciting to Sedition nga insigida met a nagpiyansa.
