LAOAG CITY – Naka-alerto ti Armed forces of the Philippines (AFP) uray awan ti na-monitor nga aniaman a dakkel a pangta iti seguridad ita nga holiday season.
Segun ken ni Armed forces of the Philippines Spokesperson Col Francel Padilla, iti agdama ket naka- heightened alert ti militar.
Kuna na a pinapigsa pay ti militar ti suporta iti dadduma a law enforcement agencies, tapno masigurado ti kinatalged ita nga holiday season.
Innayon ni Padilla nga adda dagiti soldado da a nakadeploy kadagiti checkpoints ken tumultulong pay dagitoy kadagiti pantalan, bus stations, ken uray dagiti mall.
Iti baet a bassit laeng ti bilang ti militar ket nakabantay pay dagiti kameng ti Armed forces of the Philippines iti communist insurgents group uray kumpiyansa da a saan a kabaelan dagitoy ti mangiyuswat ti nalawa nga operasyon.
Nupay kasta, saan a tagibassiten ti militar ti pwersa ti makattigid a grupo gapu ta mabalin nga agtitipon da tapno mangriribok da iti maysa a lugar.
