LAOAG CITY – Nakaawat ti agama idiay Chicago, USA ti world record gapu iti kinadakkel ti koleksionda ti Doctor Who memorabilia.
Kinumpirmaran ti Guinness World Records a dagiti agama nga isuda Lee ken William Thompson ti record holder ti titulo a “Largest Collection of Doctor Who Memorabilia.”
Daytoy ket kalpasan a nakakolektarda ti 7,507 a pedaso ti nagduduma a Doctor Who merchandise kas ti komiks, libro, ay-ayam, DVD, VHS ken dadduma pay.
Ti Doctor Who ket maysa a sikat a science fiction TV Show manipud iti British TV network.
Ti estoriana daytoy ket maipanggep iti sakripisio ti karakter a maaw-awagan a “Doctor,” maysa nga alien a maaw-awagan manipud iti planeta a Gallifrey.
Basar kadagiti agama a Thompson, ti pakabuklan a koleksionda ket dumanon iti 21 a ribu a pedaso ngem 7,507 laeng kadagitoy ti inaprobaran ken binigbig ti Guinness kas official merchandise ti Doctor Who.
