LAOAG CITY – Agpada a nasugatan dagiti agama iti Barangay Madupayas iti ili ti Badoc kalpasan ti panagtinnagbat dagitoy usar ti buneng.
Segun kenni Police Senior Master Sergeant Jovie de Guzman, nakainom ti nasanger ti ama ken idi sumungad ti anak na ket prinobokar na ken ditoy metten a tinagtagbat na daytoy.
Gapo iti daytoy, nasugatan ti ulo, ima, ken luppo ti anak na ken bimmales met daytoy no sadinno ket tinagbat na met ti ulo, takyag ken bukot ti ama na.
Inlawlawag ni De Guzman nga iti inisyal nga imbestigasyon da, karkaryaren ti ama ti anak na gapo ta awan ti pagubraan ti maseknan iti laksid a daytoy ket mentally challenge.
Iti agdama, agpapalaing dagiti agama iti maysa a pribado nga ospital iti ili ti Pinili ken adda dan iti nasayaat a kondisyon.
Agtultuloy met ti imbestigasyon ti PNP-Badoc mainaig iti daytoy a pasamak.
