LAOAG CITY – Naarestar ti dua nga indibidual babaen iti bileg a Warrant of Arrest gapu iti krimen a Frustrated Homicide iti ili ti Paoay.
Nabigbig dagiti akusado nga agama ng agtawen ti 67, naasawaan, tricycle driver ken residente iti Brgy. No. 16 Cayubog ken agtawen ti 31, addaan ti live-in-partner ken residente iti Brgy. No. 26 Oaig-Upay-Abulao.
Mainaig iti daytoy, narekomendaran dagiti dua nga akusado ti bail bond nga agdagup iti P72,000.00 ti tunggal maysa para iti provisional liberty-da a naipaulog idi Hunio 10, 2024 babaen ken ni Hon. Maria Corazon M. Labrador, Presiding Judge of RTC Br 18, Batac City, Ilocos Norte.
Kabayatanna, napakaammuan dagiti akusado ti karbenganda iti konstitusion iti maysa a dialekto a pagaammo ken maawatan ken naiyeg iti Philippine National Police iti ili ti Paoay para iti dokumentasion ken naipan dagitoy iti Rural Health Unit para iti medical examination ken tapno maiturn-over iti court of origin para iti umno a disposision.
