LAOAG CITY – Nakumpiskar ti napabango a marijuana ken shabu iti pagtaengan ti agama a Florante ken Brandon Mateo iti Brgy. Sta. Rosa iti ili ti Sarrat babaen ti search warrant operation nga inwayat ti PDEA, PNP- Sarrat, ken ti PDEU
Segun ken ni Agent Ricky Ramos ti PDEA-Ilocos Norte Provincial Office, daytoy ket kalpasan a nakaawat da ti report manipod ti sabali a munisipalidad.
Kuna ni Ramos a rumrumwar nga aggapo ti suplay nga illegal a druga ni Mateo idiay National Capital Region.
Iti sabali a bangir, naglikudan ni Florante dagiti alegasyon kontra kadakuada nga agama.
Kunana a nabayagnan a saan a nakitkita ken nakasarita ti anak na a ni Brandon.
Mainaig iti daytoy, patien ni Ramos a napasungadan ida dagiti maseknan kasanguanan nga inwayat da ti operasyon.
