LAOAG CITY – Umabot iti agarop 15 ribo a police officers ti maiwaras para iti seguridd kabayatan ti selebrasyon ti Feast of Jesus Nazareno idiay Manila intono Enero 9, 2026.
Daytoy ti inbatad ni acting Philippine National Police (PNP) chief Lt. Gen. Jose Melencio Nartatez Jr..
Manamnama a ginasut a ribo no saan man a milyon dagiti deboto a makipartisipar iti week-long activities para iti nasao nga aktibidad.
Inpakaammo ni Nartatez a kasapulan ti National Capital Region Police Office ti nayun a pwersa isut gapuna a nagala da ti kadwa da manipod iti Central Luzon ken Calabarzon. I
Innayon na a rinugyan paylaeng ti Philippine National Police ti nagsagana para iti annual feast iti napalabas a dua a bolan, babaen ti pannakikoordinar da iti Quiapo Church, Manila city government, Metropolitan Manila Development Authority, Armed Forces of the Philippines, ken ti Philippine Coast Guard.
Mainaig iti daytoy, kuna ni Nartatez a namnamaen dagiti police force ti agarop 5 a milyon a deboto para iti Nazareno 2026.
Ti aktibidad para ita a tawen ket addaan ti tema a “Dapat Siyang Tumaas at Ako Nama’y Bumaba”
