LAOAG CITY – Umabot iti agarop 18 a tattao, pakairamanan ti uppat nga ubbing ti nasugatan iti nagpatnag nga iraraot ti Russia iti Ukraine.
Inbatad ni Ukrainian President Volodymyr Zelensky a pinuntirya pay ti Russia ti energy infrastructure a mangipasigurado ti normal a panagbiag dagiti Ukrainian.
Kinumpirmaran met ti Ukrainian Air Force a French Mirage jets ti nausar iti kaunaan a gundaway iti panagatake ti Russia.
Ti panagatake ket inaramid ti Russia kalpasan a sinuspenso ti Estados Unidos ti military aid na iti Ukraine.
Kabayatanna, agturong met ni Zelensky idiay Saudi Arabia iti sumaruno a lawas para iti US-Ukraine talks a gagem na a mapagngudo ti gubat iti nagbaetan ti Ukraine ken Russia.
