LAOAG CITY – Nangitunda ti nairot a trapiko a nagpaot ti agarop dua nga oras a ti pannakperdi ti maysa nga 18-wheeler truck iti Manila North Road, bisinidad ti Barangay 1 idiay ili ti San Nicolas.
Nabigbig ti nangiturong ti truck a ni Gary Macariaga, agtawen iti 46 ken taga Barangay 10 iti ili a Bacarra.
Naamoan a saan a maikambiyo ni Macariaga ti truck bayat iti panagatras na iti maysa a construction supply.
Segun ti report, mapan koma agideliver ti truck ti semento iti nasao a construction supply idi napasamak ti insidente.
Kabayatanna, inbalakad ni Police Major Paul Benedict Parado, ti chief of police iti ili ti San Nicolas a masapol a kitaen a naimbag dagiti iturturong a lugan sakbay nga ibiyahe tapno awan ti agbalin a problema.
