LAOAG CITY – Agtultuloy ti imbestigasyon ti Bureau of Fire Protection (BFP) iti napasamak a grass fire iti Barangay Caunayan iti ili ti Pagudpud.
Segun kenni Senior Fire Officer I Jonathan Salvador, ti chief ti Fire Safety Inspection iti nasao nga ili, nasurok kumurang a 20 nga ektarya ti nauram.
Inbatad na a ti nakapasamakan ti grass fire ket datin a resrespondean da gapo ta isu ti masansan nga uram a mapasamak iti lugar.
Iti inisyal nga imbestigasyon ti BFP, rumrumuar a ti namunganayan ti uram ket ti nagdalos iti kataltalonan ken nagramram ti apoy agingga a nakadanon iti kapanagan.
