LAOAG CITY – Kinumpirmaran ni Mrs. Lowelyn Acain, OIC City Accountant ditoy ciudad ti Laoag nga adda pay ti agarop 27 a milyon a pisos a saan pay a nakolektar ti LCGH iti Philhealth.
Daytoy ket kalpasan a rimuar iti budget deliberation nga adda pay laeng ti awaten ti ospital iti Philhealth manipud kadagiti diskwento kadagiti pasyente iti LCGH.
Segun kenni Acain, saan da pay a nadeterminar iti agdama no kaano a nataming dagiti pasyente isut gapo na a saan da met pay a maibaga no kasanon ti kabayag ti udi ti korporasyon.
Inbatad na a daytoy ket gapo ta manarimaan pay laeng ti pannakaramid ti iskedyul ken aging para iti year-end report ti City Accounting Office.
Nupay kasta, apaman nga inpaala ni Vice Mayor Vicentito Lazo daytoy ket naduktalan nga adda ti balanse nga agarp 27 a milyon a pisos.
Inlawlawag met ni Acain a saan laeng nga iti tawen 2021 ti balanse no diket iti napalpalabas pay a tawen ngem saan na pay laeng a masigurado no kaano a nangrugi daytoy.
Mainaig iti daytoy, kunana a manamnama a malpas ti report agingga iti bulan ti Pebrero 14.
Maipalagip a rimuar iti budget haring a gapo iti saan a panagkinnaawatan ni Mr. Ferdinand Quiroga ken ni Mr. Ferdinand Tungpalan iti LCGH isut gapo na a saan pay a nasolbar ti probema.
Ummunan nga intudo ni Quiroga ti division nga ayan ni Tungpalan nga isu ti in-charge iti pannakakolektar ti kantidad manipud iti Philhealth.
