LAOAG CITY – Inbatad ni Bombo International News Corresondent Eunelfa Regie Famador idiay Ethiopia nga 310 a Pilipino ti napagawid ditoy pagilyan gapo iti lockdown iti nasao a pagilyan.
Segun kenni Famador, sipud idi Marso 15 ket adda da laeng iti balay da gapo ta saan a makapan agubra kas maysa a lecturer iti maysa nga unibersidad.
Nupay kasta, kuna ni Famador nga agsweldweldo da latta uray nagsardeng da iti trabaho.
Mainaig iti daytoy, kunana a maibalbalakad kadakuada nga adda iti unibersidad nga agaramid da ti proyekto tapno maprebentaran ti panagwaras ti Covid-19.
Kunana a dagiti tattao iti nasao a pagilyan ket kanayun a sumursurot kadagiti pagaladan ti gobierno kas iti panagugas ti ima no sumrek iti kada establishimento, social distancing ura nagsublin ti pampubliko a lugan ken panagusar ti face mask.
Kabayatanna, inreport pay ni Famador nga idi Abril 8 ita a tawen ket indeklara ti Prime Minister ti State of Emergency.
