LAOAG CITY – Umabot iti agarop 300 a security guard services ti kasapulan ditoy probinsya.
Daytoy ti inbatad ni Dr. Socorro Galanto, ti Provincial Director iti Technical Education And Skills Development Authority (TESDA) ditoy probinsya.
Segun ken ni Galanto, nakibinnulig da iti Department of Labor and Employment, Department of Social Welfare and Development ken iti partner da a mall ditoy ciudad ti Laoag gapu ta isu iti kangrunaan a kasapulan da dagiti security guard.
Inpakaammo na a dumalan dagiti aplikante iti naan-anay a panagsanay no sadinno a saan laeng a ti panagbalin kas security guard ti aramiden da no di ket masursurwan da pay iti sabali a trabaho.
Gapu iti daytoy, nagpanawagan ni Galanto kadagiti awanan ti trabaho a gundawayan dagiti maisaysayangkat a job fair ditoy probinsya, aglalo ket ado dagiti kasapulan nga agtrabaho iti kaluklukat a mall ditoy ciudad ti Laoag.
