LAOAG CITY – Umabot iti agarop 4,000 nga illegal gold miners ti aglemlemmeng iti underground iti South Africa kalpasan a pinuted ti gobierno ti supply a makan ken danom tapno mapilitan dagitoy a rumuar para iti pannakaarestar da.
Naamoan a sumagmamano a bolanen nga agtaltalinaed dagiti minero iti mineshaft iti Stilfontein, iti North West province.
Nagkedked dagiti minero a makikooperar kadagiti otoridad kalpasan nga ado dagiti undocumented nga aggapo iti kaparanget a pagilian kas iti Lesotho ken Mozambique ti mapagam-amkan a maipadeportar.
Agop-operar dagiti illegal a minero a maaw-awagan kas “zama zama” iti naabandonar a pagminasan iti pagilyan a nabaknang ti mineral.
Gapu iti illegal a panagminas ket ginasut a milyon a dolyar ti mapukpukaw ti gobierno ti South Africa iti kada tawen.
